Kor er boka mi?

Det å gå inn i ein bokhandlar og liksom tilfeldig nærma seg den hylla der boka di burde stått, kan vera sabla vondt for ein forfattar. Men nokre gonger blir ein gledelig overraska.

Dette bilete er teke av ein venn av meg i ein bokhandel i Bergen like før jul!!!

Jippi, dette lever eg lenge på:-)

What the f…? Bannar svensk ungdom meir enn norsk?

Johanna Thydell sin roman ”Ursäkta att jag vill bli lite älskad” eller ”Hallo, elsk meg da!” som den heiter på norsk har i dag (12.01.12)blitt anmeldt i Stavanger Aftenblad. Det stod mykje fint om boka. Mellom anna dette:

”Sjarmerende som bare det. Og tankevekkende. Så vi blir nok litt klokere, likevel, både voksne og unge, selv om det er på en særdeles underholdende måte.”  Ingeborg Marie Jensen

Men på slutten av bokmeldinga stod det noko som fekk meg til å stussa kraftig:

”Nora og vennene hennes banner like mye som hovedstadssvenske ungdommer på t-banen, og det funker nok bra i Sverige. På norsk blir det imidlertid for voldsomt.”

Eg tek tunnelbanan i Stockholm ganske ofte, og synest ikkje svensk ungdom overgår norsk ungdom når det kjem til å vera grov i kjeften.

Er det berre meg?

Eller er grunnen til at dette blir for voldsomt på norsk (i følgje anmeldaren og ein skal her alltid huska at det er snakk om ein person si meining) at norske forfattarar er for pusete og snille? Tørr me ikkje å skriva i eit like realistisk språk som Johanna Thydell?

Dette lurer eg seriøst på????

Blir veldig glad for innspel og tankar….



Andre opplag av Minus meg er her!

Då sit eg med ei bok frå andre opplag av Minus meg mellom hendene. Eg skal ærlig innrømma at dette kjennest STORT!

Takk til alle som har kjøpt boka, og som kjem til å kjøpa boka. Eg håpar ingen blir skuffa, men får ei god lesestund!

GOD (BOK)JUL!

PS: Som de ser er bøkene i det nye opplaget litt ulike ut frå dei i første opplag:-)

Måtte jo få med eit sitat frå kritikken i Dagbladet
10.10.2011.

Rockeopera med kule kyr

Bladet Sunnhordland var tilstades under premieren på rockeoperaen Monstertanta i går 9.november som er laga og framført av elevar ved Høgskulen Stord Haugesund. Journalisten tok ein prat med to elevar frå Tjødnalio skule og dei to tolvåringane hadde sett særlig pris på dei tøffe kyrne. Dei var glad for at historia enda godt, sjølv om det var ei fæl tante det handla om.

Bladet Sunnhordland sin dyktige fotograf, Henrik Mundal Andreassen, tok bilete under premieren på Monstertanta, og har laga eit biletgalleri på nett. Trykk på kubilete eller her for å gå til galleriet.

Monstertanta - ein rockeopera

I dag 8. november 2011 har det vore premiere på Monstertanta - ein rockeopera under Falturiltu!
Eg var både rørt og imponert over korleis dei har gitt liv til både dyr og folk i boka Monstertanta frå 2007.

Sjå bakomfilmen:

Les meir om produksjonen her.

Ein glad og rørt forfattar etter premieren saman med Monstertanta i Rachel Evensens skikkelse og Marilen Jørgensen i midten som har hovudrolla som Julie. (Foto: Kristine Torkildsen, Falturiltu)