Bak bøkene: Jostein Gaarder

Om å vera nysgjerrig

Bak bøkene: Jostein Gaarder from Ingelin Rossland on Vimeo.

For tjue ar sidan kom boka Sofies verden ut.  Boka er ein roman om filosofiens historie og forfattaren Jostein Gaarder tenkte at han hadde skrive ei smal bok, ei bok for dei få. Men boka den trefte godt, kanskje fordi den tek opp i seg dei evige spørsmåla kring kven er vi og kor kjem vi frå?

Sofies verden er omsett til 54 ulike språk, har vunne ei rekke prisar og i 1995 var den verdas mestselgande roman.

For Jostein Gaarder har dyrking av undring og nysgjerrigheit vore vegen til suksess. Ei undring som blei vekka hos forfattaren alt som barn.

Les meir om Jostein Gaarder her.
Les meir om Sofies verden hos Barnebokkritikk.no.

Og her er ei lenke til eit ordentlig godklipp frå 1991 hos NRK der Jostein Gaarder fortel meir om boka og argumenterer for at filosofi burde vera eit obligatorisk fag i skulen. Enjoy!

Kva trur du det er som gjer at Sofies verden er ei bok som treff lesarar i alle aldrar, og over heile verda?

PS: Eg fekk boka då den kom ut i 1991. Den gongen les eg ikkje boka ut fordi eg såg på den som ei barnebok, noko eg som 15-åring var alt for vaksen til. No som 35 åring opplever eg boka som ei dør til eiga undring og meddikting.

Neste gjest i Bak bøkene er ein ganske ung mann som skriv om "den underbara men svåra kärleken". For debutboka som kom i 2006, blei han nominert til den høgthengande Augustprisen. Vi skal med andre ord til Sverige. Kan du gjetta kven gjesten er?