IKON Diana
Lady Diana trudde livet skulle bli eit eventyr då ho berre 20 år gammal gifta seg med prins Charles. Det blei snarare ein såpeopera, med ein tragisk og blodig slutt.
Ingelin Røsslands biografi om Diana er ingen rosa prinsessebok. Prinsessa av Wales blir heller ikkje framstilt som noko offer for omgjevnadane som let seg kua av kongehus eller pågåande presse. I boka blir Diana skildra som ei forfengeleg, men sterk og omsorgsfull kvinne, som litt etter litt finn sin plass i det offentlege liv. Ho lærte raskt å bruka pressa til sin eigen fordel, både for å gi merksemd til saker ho brann for som Aids og kampen mot landminer, og ikkje minst i kampen mot mannen ho hadde gifta seg med. Diana nekta å akseptera Charles sitt romantiske forhold til Camilla Parker Bowles, og ho la mykje av skulda for det mislukka ekteskapet sitt på Camilla.
Røssland set det kongelege dramaet inn i eit historisk perspektiv, kanskje best oppsummert i Charles sin eigen kommentar: Did you seriously expect me to be the first prince of Wales in history not to have a mistress?
Frå bokmeldingane:
"De aller fleste som følger invitasjonen på omslaget og åpner boken, vil bykse gjennom den med hjertebank. Selv om de er født etter den syke biljakten en augustnatt i Paris 1997."
Mette Hoffsødegård, Aftenposten
"Røssland advarer blant annet leserne mot å ha et så overromantisert bilde av ekteskap og samliv som Diana hadde, for da kan de bli like ulykkelige som hun ble i sitt ekteskap med Charles. Biografien om Diana blir derfor ikke noen hyllest til denne folkets prinsesse, men heller et forsøk på å forstå – både henne og det sterke engasjementet hun vakte hos mennesker verden over." Jonas Bakken, Barnebokkritikk.no
Om arbeidet med boka:
Sjølv om eg i utgangspunktet var skeptisk til å skriva prinsessebok, så kan eg med handa på hjarta seia at dette er ei av dei gøyaste bokprosjekta eg har jobba med. Saman med Handgranateple er dette kanskje den boka eg er mest glad i og stolt over å ha skrive.
I arbeidet med boka las eg mange bøker, høyrte radiodokumentarar, såg uendelige mengder film og videosnuttar med Diana mellom anna på youtube.
Visste du at Diana sin favorittlåt var Rio med Duran Duran?
Under er ein av dei mange hyllingsvideoane laga til minne om Lady Diana med nettopp denne låten. Enjoy!